Mae perfformwyr lleol beiddgar wedi ymuno â pherfformwyr Sioe Awyr Cymru eleni yn Abertawe.

Bydd Team Raven, tîm arddangos erobatig patrymog o ardal Abertawe’n perfformio yn y digwyddiad am ddim ar ddydd Sadwrn 1 a dydd Sul 2 Gorffennaf.

Cyngor Abertawe sy’n gyfrifol am Sioe Awyr Cymru, a Phrifysgol Abertawe yw prif noddwr y digwyddiad. Mae’r brifysgol hefyd yn noddi arddangosiad Tîm Raven.

Yn cynnwys Simon Shirley, Steve Lloyd, Barry Gwynnett, Gerald Williams, Ian Brett a Mark Southern fel aelodau, mae Tîm Raven yn hedfan mewn awyren RV.

Yn ogystal â pherfformio ledled y DU, mae Tîm Raven hefyd wedi perfformio yn yr Iseldiroedd, Gwlad Belg, Sbaen a Gweriniaeth Iwerddon.

Meddai’r Cyng. Robert Francis-Davies, Aelod Cabinet Cyngor Abertawe dros Ddiwylliant, Twristiaeth a Phrosiectau Mawr, “Mae’n bleser gennym gadarnhau unwaith eto y bydd Tîm Raven yn cymryd rhan yn Sioe Awyr am ddim Cymru’r haf hwn. Mae ei gyfranogiad yn dangos pa mor awyddus ydym i ddathlu ac arddangos doniau erobatig lleol, yn ogystal ag awyrennau ac arddangosfeydd o bedwar ban byd.

“Mae’r Sioe Awyr ychydig dros bythefnos i ffwrdd, felly mae pobl yn dechrau cyffroi wrth i’r digwyddiad am ddim gorau o’i fath yng Nghymru agosáu.

“Gan gyfuno adloniant o safon i’r teulu cyfan yn yr awyr ac ar y ddaear yn ardal promenâd Abertawe, mae’r Sioe Awyr yn newyddion gwych i bobl leol, busnesau lleol ac ymwelwyr â’r ddinas.”

Mae awyrennau eraill sy’n cymryd rhan yn y Sioe Awyr yn cynnwys y Red Arrows, tîm arddangos Typhoon, y Bristol Blenheim, Hediad Coffa Brwydr Prydain, tîm arddangos Chinook, tîm arddangos parasiwt y Tigers a’r Gyro Air Displays.

Caiff amserlen ddynamig o amserau arddangos ei hychwanegu at ap Sioe Awyr Cymru ychydig ddiwrnodau cyn y digwyddiad am ddim.

Bydd yr ap, sydd bellach ar gael, yn cael ei ddiweddaru mewn amser go iawn i adlewyrchu newidiadau yn amserlen y digwyddiad a allai godi oherwydd y tywydd a ffactorau eraill.

Mae manylion parcio premiwm a pharcio a theithio ar gyfer Sioe Awyr Cymru bellach ar gael hefyd.

Bydd awyren Brydeinig a ddefnyddiwyd yn helaeth yn ystod dwy flynedd gyntaf yr Ail Ryfel Byd yn cymryd rhan yn Sioe Awyr Cymru yr haf hwn.

Mae’r Bristol Blenheim wedi’i hychwanegu at y rhestr o berfformwyr ar gyfer y digwyddiad am ddim a gynhelir yn yr awyr uwchben Abertawe ddydd Sadwrn 1 Gorffennaf a dydd Sul 2 Gorffennaf.

Roedd tua 50 o awyrennau Blenheim yn cefnogi’r ymgiliad o Dunkirk drwy boenydio byddinoedd y gelyn ym 1940.

Cyngor Abertawe sy’n gyfrifol am y Sioe Awyr, a Phrifysgol Abertawe yw prif noddwr y digwyddiad.

Meddai Frances Jenkins, Rheolwr Strategol Cyngor Abertawe dros Dwristiaeth, Marchnata a Digwyddiadau, “Dyma’r tro cyntaf erioed y bydd y Bristol Blenheim yn cymryd rhan yn y Sioe Awyr yn Abertawe.

“Yn ogystal â Hediad Coffa Brwydr Prydain, mae cadarnhau’r awyren hon yn dangos pa mor benderfynol ydym i gyfuno hiraeth am y gorffennol ag arddangosiadau erobatig cyfoes, gan helpu i sicrhau bod y digwyddiad yn cynnwys rhywbeth i bawb.

“Sioe Awyr Cymru yw’r digwyddiad am ddim gorau o’i fath yn y wlad. Mae’n bwysig am ei fod yn cynnig adloniant o’r radd flaenaf ar garreg drws pobl, a hefyd am ei fod yn denu miloedd lawer o ymwelwyr o bob ran o dde Cymru ac o bell. Mae hyn yn golygu mwy o wario yn siopau, bwytai, gwestai, tafarnau a busnesau eraill y ddinas, sy’n hwb enfawr i’r economi leol.”

Caiff amserlen ddynamig o amserau arddangos ei hychwanegu at ap Sioe Awyr Cymru ychydig ddiwrnodau cyn y digwyddiad am ddim.

Bydd yr ap, sydd bellach ar gael, yn cael ei ddiweddaru mewn amser go iawn i adlewyrchu newidiadau yn amserlen y digwyddiad a allai godi oherwydd y tywydd a ffactorau eraill.

Mae manylion parcio premiwm a pharcio a theithio ar gyfer Sioe Awyr Cymru bellach ar gael hefyd.

Mae’r awyrennau eraill sydd wedi’u cadarnhau ar gyfer Sioe Awyr Cymru’n cynnwys Red Arrows yr RAF, tîm arddangos Typhoon yr RAF, Chinook yr RAF, tîm arddangos parasiwt y Tigers a’r Gyro Air Displays.

Caiff golygfeydd beiddgar o ffilmiau James Bond eu harddangos yn yr awyr uwchben Abertawe’r haf hwn.

Mae tîm arddangos parasiwt y Tigers ac Autogyro hefyd wedi cael eu hychwanegu at y rhestr berfformio ar gyfer Sioe Awyr am ddim Cymru, a gynhelir ddydd Sadwrn 1 Gorffennaf a dydd Sul 2 Gorffennaf.

Mae tîm arddangos parasiwt y Tigers, a ffurfiwyd ym 1986, wedi perfformio ym mhedwar ban byd, gan gynnwys Berlin, Kosovo a Cyprus.

Mae parasiwtiau Jac yr Undeb wedi ymddangos yn rhai o’u harddangosiadau yn y gorffennol, yn debyg i olygfa agoriadol eiconig yn ffilm James Bond o 1977, ‘The Spy Who Loved Me’, gyda Roger Moore yn chwarae rhan 007.

Mae styntiau parasiwt hefyd wedi ymddangos mewn sawl ffilm James Bond arall, gan gynnwys Moonraker, A View To a Kill a The Living Daylights.

Bu’r Autogyro, awyren gyda llafnau sy’n cylchdroi’n rhydd a llafn gwthio, yn ymddangos yn y ffilm James Bond o 1967, ‘You Only Live Twice’, gyda Sean Connery.

Cyngor Abertawe sy’n gyfrifol am y Sioe Awyr, a Phrifysgol Abertawe yw prif noddwr y digwyddiad eleni.

Meddai Frances Jenkins, Rheolwr Strategol y Cyngor ar gyfer, Twristiaeth, Marchnata a Digwyddiadau, “Mae Sioe Awyr Cymru’r haf hwn yn dechrau datblygu, gyda thîm arddangos parasiwt y Tigers a’r Autogyro yn ychwanegu at raglen wych sydd eisoes yn cynnwys y Red Arrows, tîm arddangos Typhoon, y Sea Vixen a Hediad Coffa Brwydr Prydain.

“Bydd awyrennau o sawl cyfnod gwahanol yn y Sioe Awyr, gan gynnwys hen awyrennau ar gyfer y rheiny sydd am hel atgofion, a digon i blesio’r preswylwyr a’r ymwelwyr sy’n awyddus i weld technoleg gwbl gyfoes yn yr awyr uwchben Abertawe.

“Yn cael ei gynnal ym mis Gorffennaf am y drydedd flwyddyn yn olynol, mae’r digwyddiad hwn bellach yn rhan allweddol o raglen digwyddiadau a gweithgareddau flynyddol Joio Bae Abertawe. Mae’n boblogaidd iawn gyda phobl leol a’r rheiny ledled y DU a thu hwnt sy’n dwlu ar y Sioe Awyr. Rydym yn hyderus y bydd yn helpu i greu penwythnos masnach gwych i’n busnesau.

“Caiff mwy o berfformwyr eu cyhoeddi dros yr wythnosau nesaf wrth i ni gwblhau’r manylion ar gyfer y digwyddiad am ddim gorau o’i fath yn y wlad.”

Caiff amserlen ddeinamig o amserau arddangos ei hychwanegu at Ap Sioe Awyr Cymru ychydig ddiwrnodau cyn y digwyddiad am ddim.

Bydd yr ap hefyd yn cael ei ddiweddaru mewn amser go iawn i adlewyrchu newidiadau yn amserlen y digwyddiad a allai godi oherwydd y tywydd a ffactorau eraill.

Mae’r Ap, sydd wedi’i noddi gan Westy Bae Oxwich ac sy’n cynnwys talebau gostyngiadau, ar gael i’w lawrlwytho nawr am £1.99 o’r App Store a Google Play.

Bydd diweddariadau am ddim i bobl a brynodd yr ap ar gyfer sioe awyr y llynedd.

Mae’r ap hefyd yn cynnwys gwybodaeth am leoedd i aros, pethau i’w gwneud a lleoedd i fwyta ac yfed, yn ogystal â dolenni iddynt. Mae nodweddion eraill yn cynnwys bywgraffiadau’r timau arddangos.

Download the APP