Mae Cyngor Abertawe wedi cadarnhau y bydd Hedfaniad Coffa Brwydr Prydain yn llenwi’r awyr uwchben y ddinas fel rhan o ddigwyddiad mwyaf yr haf.

Bydd Hedfaniad Coffa Brwydr Prydain yn cynnwys y Lancaster, y Spitfire a’r Hurricane. Mae’r awyrennau a fydd yn hedfan o RAF Coningsby yn Swydd Lincoln, yn aml i’w gweld yn ystod achlysuron a digwyddiadau sy’n coffáu’r Ail Ryfel Byd.

Cynhelir Sioe Awyr Genedlaethol Cymru eleni, mewn cydweithrediad â Trade Centre Wales, ddydd Sadwrn 2 Gorffennaf a dydd Sul 3 Gorffennaf.

Hefyd wedi’u cadarnhau ar gyfer y Sioe Awyr yw tîm arddangos hofrenydd Black Cats y Llynges Frenhinol a Sally B – y B-17 olaf sy’n medru hedfan yn Ewrop. Defnyddiwyd Sally B yn y ffilm Memphis Belle ym 1990 gyda Matthew Modine, Eric Stoltz a Harry Connick Jr yn serennu ynddi.

Meddai’r Cyng. Robert Francis-Davies, Aelod y Cabinet dros Fenter, Datblygu ac Adfywio, “Mae’r rhestr o berfformwyr ar gyfer sioe awyr yr haf hwn yn golygu y bydd yn ddigwyddiad heb ei ail eto.

“Mae’r cyfuniad o awyrennau modern ar flaen y gad a’r arddangosiadau hanesyddol megis Hedfaniad Coffa Brwydr Prydain a Sally B yn siŵr o wefreiddio’r miloedd o wylwyr yn ystod beth sy’n parhau i fod y digwyddiad am ddim gorau o’i fath yng Nghymru.

“Mae’r Sioe Awyr Genedlaethol, sy’n creu miliynau o bunnoedd ar gyfer yr economi leol, yn newyddion gwych ar gyfer pobl a busnesau lleol, yn ogystal ag ymwelwyr ag Abertawe. Mae’n enghraifft ardderchog o sut yr ydym yn sicrhau ein bod ni’n parhau i fanteisio ar leoliad byd-enwog, arfordirol Abertawe drwy drefnu digwyddiadau o’r safon uchaf.”

Cadarnhawyd bellach bob awyren ar gyfer y sioe awyr. Mae arddangosiadau eraill a fydd yn codi i’r awyr yn cynnwys MiG-15, Breitling Wingwalkers, tîm parasiwt y Tigers, y Red Arrows, yr Eurofighter Typhoon, tîm Bronco Demo, Team Yakovlevs, Gerald Cooper a Team Raven.

Cyhoeddir manylion adloniant ar y tir yr wythnos nesaf.

Mae nodweddion yn cynnwys amserlen ddynamig o arddangosiadau a fydd yn cael ei diweddaru ar ddiwrnodau’r sioe awyr, y newyddion diwethaf, gwybodaeth am awyrennau ac arddangosiadau ar y tir, dolenni i ddigwyddiadau eraill a gwestai, yn ogystal â manylion disgowntiau arbennig ym mwytai Abertawe a digwyddiadau eraill.

Mae is-adran disgowntiau arbennig yn cynnwys sawl taleb y gellir eu defnyddio mewn nifer o westai, bwytai ac atyniadau o amgylch Abertawe. Wrth brynu’r ap, bydd gwylwyr hefyd yn helpu i gynnal y sioe awyr yn flynyddol.

Mae lleoedd ym meysydd parcio canol y ddinas yn llanw’n gyflym oherwydd poblogrwydd y digwyddiad, felly mae yn bosib erbyn hyn gadw lle parcio premiwm ar y Rec hefyd. Gellir parcio trwy’r dydd am £16.50 y car. Mae maes parcio’r Rec, sydd ar agor o 9am i 7pm ar ddau ddiwrnod y sioe awyr, ger y brif ardal arddangosiadau tir.

Ddydd Mercher byddwn yn rhoi gwybod i chi drwy’r ap am ba dimau arddangos fydd yn Abertawe ar bob diwrnod o #SAGC16. Gallwch brynu’r ap ar ffonau IOS, Android a Windows.

Bydd amserlen arddangosiadau awyr Sioe Awyr Genedlaethol Cymru eleni ar gael drwy’r ap Sioe Awyr newydd! Dyma’r UNIG le i gael mynediad i’r amserau arddangos pan gânt eu rhyddhau ar 30 Mehefin.

5 Rheswm Allweddol dros lawrlwytho’r ap

1. BYDDWCH YN DERBYN Y DIWEDDARAF AM YR AMSERLEN AMSERAU ARDDANGOS MEWN AMSER GO IAWN – Cewch wybod ba arddangosiadau y cynhelir a phryd. Caiff yr amserlen ei diweddaru mewn amser go iawn gan roi’r newyddion diweddaraf i chi am unrhyw newidiadau a wnaed i’r amserlen ar y diwrnod.

2. ARBED ARIAN GYDAG AMRYWIAETH O DALEBAU GOSTYNGIADAU – Gallwch gael llawer o dalebau gostyngiadau gwych i’w defnyddio mewn nifer o fusnesau de Cymru o 1 Mai tan 31 Gorffennaf. (e.e. Nandos Abertawe, Gwesty’r Dragon, Marriott Abertawe, Tenis a Sboncen Abertawe ymysg eraill)

3. BYDDWCH YN DERBYN Y NEWYDDION DIWEDDARAF – Y newyddion diweddaraf am y Sioe Awyr ar yr ap hwn yn unig drwy hysbysiadau uniongyrchol. Byddwn yn rhyddhau peth gwybodaeth allweddol am y Red Arrows a’r Typhoon yn ystod y cyfnod cyn rhyddhau’r amserlen lawn.

4. GWYBODAETH DDEFNYDDIOL AM Y TIMAU – Arweiniad defnyddiol am yr holl dimau arddangos i’w gadw yn eich poced.

5. BYDDWCH YN HELPU I GEFNOGI SIOE AWYR GENEDLAETHOL CYMRU – Trwy brynu’r ap am ffi fechan byddwch yn helpu i gynnal y digwyddiad gwych hwn ym Mae Abertawe yn flynyddol.

LAWRLWYTHWCH YR AP NAWR