Bydd blas ar Biggles a dewrder yn dod i Sioe Awyr Cymru am y tro cyntaf yr haf hwn pan fydd awyrennau Prydeinig ac Almaenig y Rhyfel Byd Cyntaf yn hedfan dros Abertawe.

Bydd atgynyrchiadau o ddwy awyren ddwbl Prydeining SE5 a fu’n hedfan dros feysydd brwydr Ffrainc a Gwlad Belg dros gan mlynedd yn ôl yn mynd wyneb yn wyneb ag atgynhyrchiad o awyren Junker CL1 Almaenig.

Bydd yr awyrennau, sy’n rhan o Dîm Rhyfel Mawr Bremont, yn ymddangos am y tro cyntaf yn Sioe Awyr Cymru ar 30 Mehefin ac 1 Gorffennaf fe rhan o ddathliadau 100 mlynedd yr Awyrlu Brenhinol.

Meddai’r Cyng. Robert Francis-Davies, Aelod Cabinet Cyngor Abertawe dros Ddiwylliant, Twristiaeth a Phrosiectau Mawr, “Roedd dros 5,200 o awyrennau SE5 yr Awyrlu Brenhinol wedi ymladd yn ystod y Rhyfel Byd Cyntaf pan adnabuwyd yr Awyrlu Brenhinol fel y Corfflu Hedfan Brenhinol.

“Hedfanwyd yr SE5 gan rai o archbeilotiaid y rhyfel, gan gynnwys Billy Bishop a Mick Mannock, a saethodd 133 o awyrennau’r Almaen i’r llawr rhyngddynt.

“Mae’n wych bod awyrennau hanesyddol fel yr SE5 a’r CL1 yn ein helpu i ddathlu canmlwyddiant yr Awyrlu Brenhinol ond hefyd 100 mlynedd ers diwedd y rhyfel.”

Mae Sioe Awyr Cymru eleni’n addo bod y mwyaf a’r gorau erioed yn dilyn digwyddiad y llynedd a wnaeth dorri pob record, gan ddenu 250,000 o ymwelwyr a chreu mwy nag £8 miliwn ar gyfer yr economi leol.

Meddai’r Cyng. Francis-Davies, “Mae’n anhygoel meddwl bod y Sioe Awyr gyntaf wedi denu 75,000 o ymwelwyr a bellach mae mor boblogaidd, mae’n ddigwyddiad blynyddol ac rydym yn denu bedair gwaith y nifer hwnnw o ymwelwyr erbyn hyn. Dyma’r digwyddiad mwyaf am ddim yng Nghymru, gan ddenu teuluoedd o Dde Cymru a gweddill y DU.”

Ar wahân i awyrennau’r Rhyfel Byd Cyntaf, bydd Hediad Coffa Brwydr Prydain, Tîm Arddangos Awyr y Typhoon a’r Red Arrows poblogaidd i gyd yn dychwelyd.

Bydd llawer o atyniadau ar y ddaear hefyd, gan gynnwys stondinau masnach a fydd yn gwerthu pob math o gofroddion a nwyddau sy’n ymwneud ag awyrennau.

Mae mwy o wybodaeth am drefnu stondinau masnach yma: www.sioeawyrcymru.co.uk

Gall y rhai sy’n dod i’r sioe ganfod mwy amdani drwy lawrlwytho ap Sioe Awyr Cymru ar Apple App Store a Google PLAY.

Bydd hanes yn dod yn fyw yn Sioe Awyr Cymru’r haf hwn gyda thair awyren eiconig o’r oes a fu.

Mae Hedfaniad Coffa Brwydr Prydain yr Awyrlu Brenhinol wedi ymuno â’r rhestr o atyniadau ar gyfer digwyddiad am ddim eleni a gynhelir ar benwythnos dydd Sadwrn a dydd Sul 30 Mehefin ac 1 Gorffennaf.

Gan gynnwys Avro Lancaster, Supermarine Spitfire a Hawker Hurricane, caiff y grŵp arddangos ei weld yn aml mewn digwyddiadau i goffáu’r Ail Ryfel Byd. Mae Hedfaniad Coffa Brwydr Prydain hefyd wedi cymryd rhan mewn sawl seremoni Brydeinig swyddogol, gan gynnwys dathliadau pen-blwydd y Frenhines yn 80 oed yn 2006 a phriodas y Tywysog William yn 2011.

Mae atyniadau eraill sydd eisoes wedi’u cadarnhau yn cynnwys timau arddangos Red Arrows yr Awyrlu Brenhinol a’r Typhoon.

Meddai Robert Francis-Davies, Rheolwr Strategol Cyngor Abertawe ar gyfer Diwylliant, Twristiaeth, Marchnata a Digwyddiadau, “Mae elfen enfawr o hiraethu am y gorffennol yn rhan o’r math hwn o ddigwyddiad, ac felly rydym wrth ein bodd yn awr i allu cadarnhau cyfranogiad Hedfaniad Coffa Brwydr Prydain yn y Sioe Awyr ym mis Gorffennaf.

“Gan gyfuno awyrennau modern, arddangosiadau erobatig o’r radd flaenaf ac adloniant ar y tir, bydd yr arddangosiad hwn ymysg llawer y bydd cannoedd ar filoedd o wylwyr yn eu mwynhau yn yr awyr uwchben Abertawe.

“Bydd mwy o awyrennau’n cael eu cadarnhau dros yr wythnosau nesaf wrth i ni barhau i ddatblygu rhaglen y digwyddiad mawr hwn, sy’n werth mwy na £8m i economi’r ddinas.”

Bydd tîm erobatig o’r radd flaenaf y Red Arrows yn dychwelyd i Abertawe ar gyfer Sioe Awyr Cymru’r haf hwn.

Bydd y Red Arrows yn hedfan ar ddau ddiwrnod y digwyddiad am ddim hwn gan Gyngor Abertawe a gynhelir ddydd Sadwrn 30 Mehefin a dydd Sul 1 Gorffennaf.

Mae’r Red Arrows, a elwir yn Dîm Erobatig yr Awyrlu Brenhinol yn swyddogol, wedi perfformio dros 4,700 o arddangosiadau mewn dros 50 o wledydd ar draws y byd ers y 1960au.

Meddai’r Cyng. Robert Francis-Davies, Aelod Cabinet Cyngor Abertawe dros Ddiwylliant, Twristiaeth a Phrosiectau Mawr, “Mae hi’n newyddion gwych bod y Red Arrows wedi cadarnhau y byddant yn cymryd rhan yn Sioe Awyr Cymru’r haf hwn.

“Y Red Arrows yw tîm erobatig enwocaf y byd ac maent wedi perfformio arddangosiadau gwefreiddiol yn Sioe Awyr Cymru ers y cychwyn. Ni fyddai’r digwyddiad yr un peth hebddynt, felly rydym wrth ein boddau eu bod yn dychwelyd eleni i’n helpu i ddathlu canmlwyddiant yr Awyrlu Brenhinol.”

Meddai’r Cyng. Francis-Davies, “Yn ogystal â’r Red Arrows a Thîm Arddangos y Typhoon yn denu sylw cannoedd ar filoedd o bobl, mae’r cyngor yn gweithio ar ychwanegu llawer mwy o atyniadau cyffrous at y rhestr berfformio dros yr wythnosau nesaf, ar y ddaear ac yn yr awyr.”

Yn ôl y ffigurau, roedd Sioe Awyr Cymru, a drefnir gan Gyngor Abertawe, werth £8.4m i’r economi leol y llynedd, gan helpu i ddenu 250,000 o ymwelwyr i lan y môr a nifer o leoliadau eraill ar draws y ddinas.

Caiff amserlen ddynamig o amserau arddangos ei hychwanegu at ap Sioe Awyr Cymru ychydig ddiwrnodau cyn y digwyddiad.

Bydd yr ap, sydd bellach ar gael yn yr Appstore a Google PLAY, yn cael ei ddiweddaru mewn amser go iawn i adlewyrchu newidiadau yn amserlen y digwyddiad a allai godi oherwydd y tywydd a ffactorau eraill.

Gall defnyddwyr sydd eisoes wedi prynu’r ap ei ddiweddaru am ddim er mwyn derbyn cynnwys eleni. Bydd cynnwys yn ymddangos wrth i bob arddangosiad newydd gael ei gyhoeddi a bydd yr amserlen yn ymddangos ddydd Mercher 27 Mehefin.

Mae’r tîm arddangos wedi’i gadarnhau ar gyfer Sioe Awyr Cymru, a fydd yn cael ei chynnal ddydd Sadwrn 30 Mehefin a dydd Sul 1 Gorffennaf.

Gan hedfan o RAF Coningsby yn Swydd Lincoln, mae’r Typhoon yn costio oddeutu £80m ac mae’n un o awyrennau ymladd mwyaf blaenllaw’r byd. Mae’n beiriant mor gymhleth, nid oes modd ei hedfan gan berson yn unig – mae angen cyfrifiadur wrth gefn ar yr awyren hefyd.

Yn ôl y ffigurau, roedd Sioe Awyr Cymru, a drefnir gan Gyngor Abertawe, werth £8.4m i’r economi leol, gan helpu i ddenu 250,000 o ymwelwyr i lan y môr a nifer o leoliadau eraill ar draws y ddinas.

Meddai’r Cyng. Robert Francis-Davies, Aelod Cabinet Cyngor Abertawe dros Ddiwylliant, Twristiaeth a Phrosiectau Mawr, “Mae’n bleser gennym gyhoeddi, gan mlynedd ers sefydlu’r RAF, y bydd Sioe Awyr Cymru’n arddangos rhai o’i asedau gorau, gan gynnwys tîm arddangos y Typhoon.

“Rydym yn falch eu bod wedi cadarnhau y byddant yn cymryd rhan yn y Sioe Awyr yn ystod yr haf, gan sicrhau ein bod ni’n cyflawni’n nod o greu digwyddiad sy’n parhau i fodloni disgwyliadau flwyddyn ar ôl blwyddyn.

“Wrth i’r cyngor barhau i weithio ar drefniadau’r digwyddiad y tu ôl i’r llenni, gall preswylwyr ac ymwelwyr ddisgwyl mwy o berfformwyr yn cadarnhau eu lle dros yr wythnosau nesaf.

“Yn ogystal ag arddangosfeydd awyr, bydd adloniant ar y tir hefyd yn rhan o’r digwyddiad, a gaiff ei gynnal yr haf hwn am y bedwaredd flwyddyn yn olynol.”

Gydag uchafswm cyflymder o dros 1,300mya, mae’r Typhoon yn gallu cyrraedd uchder o 55,000 o droedfeddi, hyd at ymyl y gofod. Mae’r awyren oddeutu 16 metr o hyd ac mae lled ei hadenydd yn mesur dros 11 metr.

Lawrlwythwch yr AP swyddogol!

Os prynoch chi’r ap yn 2017, newyddion da.. byddwch yn cael ap eleni fel diweddariad AM DDIM!Bydd yr ap yn costio £1.99 i’r rhai sydd heb ei ddefnyddio o’r blaen, a chydag amserau’r arddangosiadau ar flaen eich bysedd, rydym yn teimlo ei fod yn cynnig gwerth gwych am arian a hefyd yn helpu i godi arian tuag at un o ddigwyddiadau AM DDIM gorau a mwyaf Cymru.

Caiff amserlen ddynamig o amserau arddangos ei hychwanegu at ap Sioe Awyr Cymru ychydig ddiwrnodau cyn y digwyddiad am ddim a bydd yn cael ei diweddaru mewn amser go iawn i adlewyrchu newidiadau yn amserlen y digwyddiad a allai godi oherwydd y tywydd a ffactorau eraill. Rhaglen rithiwr ar flaenau eich bysedd!

Prynwch yr AP heddiw