Nid arddangosiadau acrobatig trawiadol yn yr awyr yn unig sy’n cael eu cynnig yn ystod Sioe Awyr Cymru, mae llawer o bethau difyr i deuluoedd ar y ddaear hefyd!
Mae llawer i’w weld ac i’w wneud, gan gynnwys efelychwyr hedfan, ffeiriau, awyrennau ar y ddaear, cerbydau ac arddangosiadau’r lluoedd arfog a llawer mwy. Cofiwch, bydd digon o fwyd a diod ar gynnig hefyd!
Bydd yr arddangosiadau ar y ddaear ar agor o 10am i 6pm ar y ddeuddydd, gallwch gyrraedd yn gynnar er mwyn osgoi’r traffig a mwynhau’r arddangosiadau cyn i’r cyffro go iawn ddechrau yn yr awyr.
Yn ogystal â’r ffaith y bydd Prom Abertawe’n llawn arddangosiadau a gweithgareddau gwych, bydd hyd yn oed mwy i’w weld a’i wneud ar Oystermouth Road hefyd. Bydd arddangosiadau ar y ddaear ar hyd y prom o’r Ganolfan Ddinesig i Brynmill Lane.
Lluniaeth
Mae amrywiaeth eang o fwyd ar gael yn yr ardal arddangos ar y tir ar hyd Oystermouth Road, y Senotaff ac o gwmpas y Ganolfan Ddinesig. Mae’r bwyd sydd ar gael yn cynnwys seigiau canoldirol go iawn, pizzas wedi’u paratoi drwy losgi pren, bwyd barbeciw, bwyd cyfunol o Asia, bwyd stryd Indiaidd, bara naan llawn, fajitas/tacos ffres, pysgod a sglodion traddodiadol, byrgers a thatws pob. Os oes gennych chi ddant melys, byddwch yn dwlu ar yr hufen iâ, y toesenni, y losin a phopeth arall sydd ar gael, yn ogystal â the, coffi a diodydd meddal, a bar yn ardal y Ganolfan Ddinesig ac yn agos at y Senotaff i dorri eich syched.
Gwasanaethau Arfog
Bydd llawer mwy o bethau sy’n gysylltiedig â’r gwasanaethau arfog i’w gweld a’u gwneud gan gynnwys y canlynol:
- Band Tywysog Cymru
- Cerbydau ymladd mawr
- Ôl-gerbydau gwybodaeth
- Pabell fawr y Cyfamod Abertawe gyda chynrychiolwyr o gyn-filwyr, elusennau a grwpiau cymorth.
- Gallwch chi hefyd fynd y tu mewn i atgynhyrchiad y Red Arrow Hawk a’i archwilio!
Dewch i fod yn rhan o’r cyffro gydag efelychwyr a phrofiadau rhithrealiti
Ydych chi erioed wedi eisiau’r profiad o sefyll ar gludydd awyrennau pan fydd y jetiau’n codi? Neu, beth am eistedd yn sedd peilot un o Red Arrows yr RAF neu Typhoon?
Archwiliwch yr arddangosiadau ar y ddaear yn ystod Sioe Awyr Cymru er mwyn dod o hyd i’r profiadau rhithrealiti a’r efelychwyr hedfan hyn, yn ogystal â llawer mwy!
Cadetiaid Awyr, Y Fyddin a’r Môr
Bydd y Cadetiaid Awyr, Y Fyddin a’r Môr yn dychwelyd i Sioe Awyr Cymru gyda nifer o arddangosiadau rhyngweithiol sy’n arddangos y gweithgareddau difyr niferus maent yn eu gwneud fel cadetiaid y gwasanaethau milwrwol.
Cwrdd â’r Tîmau
Os nad yw gwylio’r awyrennau o’r promenâd yn ddigon, bydd gennych y cyfle i gwrdd â Thîm Raven, The Blades, Tîm Parasiwt y Tigers a pheirianwyr y Red Arrows, Chinook a Hedfaniad Coffa Brwydr Prydain
Ffair Hwyl a Difyrion
Bydd y reidiau ffair a difyrion yn y Ganolfan Ddinesig ac ar Oystermouth Road, gan gynnwys efelychydd y Red Arrows, reidiau ar gyfer y rheini sy’n dwlu ar gyffro, reidiau i blant, weiren wib, gemau a difyrion trwy gydol benwythnos y Sioe Awyr, hwyl i’r holl deulu!
Adloniant
Bydd digonedd o gerddoriaeth fyw yn Sioe Awyr Cymru’r haf hwn.
Ardaloedd gwylio i’r anabl yn y Ganolfan Ddinesig a ger y Senotaff. Yn ogystal ag ardaloedd ‘tawel’ y tu mewn i’r Ganolfan Ddinesig ar lawr cyntaf y llyfrgell. Mwy ar Hygyrchedd.
