Ydych chi’n mynd i Sioe Awyr Cymru ac oes gennych gwestiynau i’w gofyn? Efallai eich bod yn byw’n lleol ac rydych am wybod beth sy’n digwydd. Gall yr adran Cwestiynau Cyffredin eich helpu.
Mae Sioe Awyr Cymru'n un o'r sioeau awyr mwyaf deniadol yn y DU a'r digwyddiad am ddim mwyaf yng Nghymru. Dros ddau ddiwrnod bob blwyddyn, mae ymwelwyr yn gweld arddangosiadau erobatig syfrdanol, awyrennau o'r radd flaenaf a llawer mwy!
Bae Abertawe yw lleoliad Sioe Awyr Cymru bob tro. Mae ehangder Bae Abertawe'n amffitheatr naturiol ar gyfer yr arddangosiadau, sy'n golygu ei fod yn lleoliad poblogaidd ymhlith y gynulleidfa a'r peilotiaid.
Cynhelir Sioe Awyr Cymru 2025 ar 5 a 6 Gorffenaff 2025.
Does dim angen tocynnau - mae Sioe Awyr Cymru am ddim!
Os collwch chi unrhyw beth yn ystod y digwyddiad, gallwch gysylltu â ni trwy'r dudalen Facebook, neu e-bostiwch y tîm digwyddiadau yn special.events@abertawe.gov.uk.
Cofiwch y bydd Tîm Digwyddiadau Arbennig y Cyngor yn brysur iawn dros y penwythnos yn adeiladu, yn cydlynu ac yn symud pethau oddi ar y safle yn dilyn y digwyddiad, a byddwn yn ôl yn y swyddfa ar y dydd Mawrth (8 Gorffennaf) yn dilyn y digwyddiad.
Bydd, bydd sylwebaeth yn ystod yr arddangosiadau awyr a gwneir cyhoeddiadau i'r cyhoedd drwy'r dydd. Bydd system sain ar waith o'r Ganolfan Ddinesig i'r prif safle arddangos ar y ddaear ar y promenâd mor bell â Brynmill Lane.
Bydd y diweddaraf ar gael hefyd ar ein tudalennau Twitter a Facebook.
Bydd, bydd amrywiaeth eang o fwyd ar gael yn y safle arddangos ar y ddaear ger y Senotaff, ger yr arddangosiadau ar y ddaear a hefyd ger y Ganolfan Ddinesig. Bydd y bwyd yn cynnwys tatws pob, cyri, byrgyrs, pysgod a sglodion a chrempogau. Bydd stondinau hufen iâ, toesenni a losin hefyd ar gael.
Bydd te, coffi a diodydd meddal ac alcohol ar gael i'w prynu.
Bydd dau fan gwybodaeth, un ar y promenâd ger y Senotaff ac un yn y Ganolfan Ddinesig. Bydd gan y timau gwybodaeth fapiau o'r safle hefyd.
Gellir hefyd adrodd am blant/rieni coll yn y mannau gwybodaeth. Os na fyddwch yn siŵr, bydd stiwardiaid ar y safle i'ch helpu hefyd.
Bydd, bydd dau brif fan cymorth cyntaf, gyda phersonél Ambiwlans Sant Ioan yno. Mae un man yn y Ganolfan Ddinesig a hefyd ar y promenâd ger y Senotaff.
Bydd aelodau Ambiwlans Sant Ioan hefyd yn patrolio'r safle drwy gydol y ddau ddiwrnod. Os na fyddwch yn siŵr, bydd stiwardiaid ar y safle i'ch helpu hefyd.
Bydd safle Sioe Awyr Cymru'n agor am 10am ac yn cau am 6pm ar y ddau ddiwrnod.
Bydd staff diogelwch a Heddlu De Cymru i'w gweld ar y safle a byddant yn patrolio yn arena'r digwyddiad ac yn yr ardal gyfagos. Os byddwch yn gweld rhywbeth drwgdybus, adroddwch amdano i staff diogelwch neu stiward ar unwaith.
Eich diogelwch a'ch diogeled chi yw ein prif bryder, ac rydym yn ymdrin â hyn yn ddifrifol iawn. Mae Cyngor Abertawe a Heddlu De Cymru wedi bod yn cynllunio'r digwyddiad hwn am amser hir, ac os byddwch yn bresennol yn Sioe Awyr Cymru rydym am i chi fwynhau a chael hwyl, felly darllenwch yr wybodaeth a'r cyngor canlynol ynghylch diogelwch yn y digwyddiad.
- Bydd staff diogelwch i'w gweld yn y digwyddiad a byddant yn patrolio o amgylch y safle.
• Bydd cŵn arbenigol yn patrolio'r safle hefyd.
• Mae rhwydwaith o gamerâu CCTV wedi'i osod o gwmpas y lleoliad, a chânt eu monitro o'n hystafell reoli'r digwyddiad.
• Rydym wedi gweithio'n agos gyda'r heddlu a gwasanaethau brys eraill i gynllunio digwyddiad sy'n ddiogel i bawb.
• Bydd yr heddlu'n patrolio'r digwyddiad a'r ardal leol.
• Efallai y byddwch yn gweld heddweision arfog yn patrolio'r ardal gan ei fod yn arfer arferol mewn digwyddiadau o'r maint hwn.
• Bydd nifer o fesurau diogelwch eraill ar waith na allwch eu gweld.
Bydd nifer o doiledau a thoiledau hygyrch yn ardal y digwyddiad ger y Senotaff, y Ganolfan Ddinesig ac ym meysydd parcio'r digwyddiad ac ar hyd Prom Abertawe.
Bydd gorsafoedd dŵr dynodedig lle gallwch ail-lenwi poteli.
Gwisgwch a chynlluniwch yn addas ar gyfer y tywydd. Mae'r tywydd dros y blynyddoedd diwethaf wedi bod yn boeth ac yn heulog, felly paciwch ddigon o ddŵr, eli haul a dillad addas. Bydd aelodau Ambiwlans Sant Ioan ar gael er mwyn rhoi cyngor a chymorth yn ystod y tywydd twym.
Ni chaniateir barbeciws. Rydym yn cynghori yn erbyn dod â chŵn oherwydd sŵn yr awyrennau a nifer y bobl (llai o le i gerdded yn ddiogel ar dennyn).
