Bydd miloedd o wylwyr yn ymgasglu ar draeth Abertawe i wylio Sioe Awyr Cymru, sy’n cynnwys atyniadau megis y Red Arrows, am ddeuddydd o ddigwyddiadau hedfan gwych ar 6 a 7 Gorffennaf.

Gallai Miss Pick Up, awyren Catalina cwmni Consolidated a oedd yn patrolio yn ystod y rhyfel yng ngorllewin Canada, fod yn boblogaidd iawn ymysg y dorf yn y digwyddiad yn Abertawe.

Dim ond 12 Catalina sy’n addas i’w hedfan sydd ar ôl ac awyren Miss Pick Upyw’r unig un sy’n hedfan yn rheolaidd yn Ewrop.

Eleni, am y tro cyntaf, bydd digwyddiad gyda’r hwyr ar y nos Sadwrn. 

Meddai Robert Francis-Davies, Aelod Cabinet y Cyngor dros Fuddsoddi, Adfywio a Thwristiaeth, “Bydd y Catalina’n dod â theimlad o hanes i Sioe Awyr Cymru ym mis Gorffennaf.

“Mae Sioe Awyr Cymru eisoes yn un o ddigwyddiadau am ddim mwyaf y DU, ond eleni rydym am wneud rhywbeth ychwanegol i nodi 50 mlynedd ers i Abertawe ddod yn ddinas.”

​​​​​​​Bydd awyren fôr ddeniadol yn rhan o Sioe Awyr Cymru’r haf hwn – 75 o flynyddoedd ar ôl iddi fod yn hela llongau tanfor y gelyn yn yr Ail Ryfel Byd.

Heb os nac oni bai, y Catalina yw’r awyren fôr enwocaf a mwyaf llwyddiannus a adeiladwyd erioed.

Roeddent yn hedfan yn eang yn ystod yr Ail Ryfel Byd ac enillodd ei chriw ddwy fedel Croes Victoria.

Ers y rhyfel, maent wedi bod yn gwasanaethu â gweithredwyr milwrol a masnachol o gwmpas y byd ac maent wedi rhoi bywyd newydd iddynt fel awyrennau dŵr sy’n diffodd tannau coedwigoedd, awyrennau arolwg a sêr arddangosiadau awyr.

Ceir yr amserlen lawn ar gyfer penwythnos Sioe Awyr Cymru drwy lawrlwytho ap swyddogol o’r App Store sy’n costio £1.99 yn unig ar hyn o bryd.

Llun Awyren Catalina cwmni Consolidated,Miss Pick Up. Llun: Paul Johnson.

Mae Cyngor Abertawe wedi cadarnhau y bydd Tîm Arddangos Bronco a Thîm Yakovlevs yn cymryd rhan yn y digwyddiad am ddim ddydd Sadwrn a dydd Sul, 2 a 3 Gorffennaf.

Mae Sioe Awyr Genedlaethol Cymru yn rhan o raglen Joio Bae Abertawe’r cyngor sy’n llawn digwyddiadau a gweithgareddau.

Mae Tîm Arddangos Bronco wedi bod yn arddangos mewn digwyddiadau ar draws Ewrop ers 2010. Er y cafwyd nifer o fodelau amrywiol, mae awyren wreiddiol North American Rockwell OV-10 Bronco yn awyren arsylwi a ddefnyddiwyd gyntaf yn Rhyfel Fietnam.

Gyda mwy na 1,000 o arddangosiadau ym mhedwar ban byd, mae gan Dîm Yakovlevs gyfoeth o brofiad. Wedi’i dylunio gan Yakovlev Design Bureau enwog Moscow, mae’r awyren hefyd wedi’i defnyddio ar gyfer hyfforddiant a chystaldeuaethau erobatig.

Meddai’r Cyng. Robert Francis-Davies, Aelod Cabinet Cyngor Abertawe dros Fenter, Datblygu ac Adfywio, “Mae’r rhestr ar gyfer un o’r digwyddiadau yr edrychir ymlaen ato fwyaf yn Abertawe’r haf hwn yn dechrau dwyn ffrwyth.

“Yn ogystal â’r awyrennau eraill sy’n cymryd rhan ac amrywiaeth o weithgareddau ac arddangosfeydd ar y ddaear, bydd Tîm Arddangos Bronco a Thîm Yakovlevs yn diddanu miloedd o breswylwyr ac ymwelwyr ag Abertawe dros y penwythnos ym mis Gorffennaf.

“Bydd mwy o awyrennau’n cael eu cadarnhau dros yr wythnosau a’r misoedd nesaf wrth i ni barhau i edrych ymlaen at y digwyddiad sy’n rhoi Abertawe ar y map yn y DU ac ymhellach i ffwrdd.”

Eleni, dyma’r tro cyntaf i ddigwyddiad Sioe Awyr Genedlaethol Cymru gael ei gynnal am ddwy flynedd yn olynol, wrth i Gyngor Abertawe barhau i ddatblygu’r digwyddiad yn atyniad blynyddol.

Heidiodd mwy na 170,000 o wylwyr i bromenâd Abertawe i fwynhau Sioe Awyr y llynedd, gan greu mwy na £7.6 miliwn i’r economi leol.