Bydd unig gwmni awyrennau erobatig y byd yn gwefreiddio degau ar filoedd o bobl yn Abertawe eleni.

Bydd unig gwmni awyrennau erobatig y byd yn gwefreiddio degau ar filoedd o bobl yn Abertawe eleni.
Disgwylir i Dîm Erobatig The Blades ymddangos uwchben y ddinas yn Sioe Awyr Cymru, a gynhelir ddydd Sadwrn 6 Gorffennaf a dydd Sul 7 Gorffennaf.

Bydd Sioe Awyr Cymru, a drefnir gan Gyngor Abertawe, hefyd yn cyflwyno amrywiaeth o arddangosiadau awyr eraill gan gynnwys y Red Arrows, sy’n hynod boblogaidd. Eleni, fel rhan o ddathliadau pen-blwydd Abertawe’n 50 oed, cynhelir digwyddiad gyda’r hwyr nos Sadwrn o 8.30pm.
Meddai Robert Francis-Davies, Aelod y Cabinet dros Fuddsoddi, Adfywio a Thwristiaeth, “Mae The Blades yn atyniad prin – mae ganddo ganiatâd gan yr Awdurdod Hedfan Sifil i gludo teithwyr sy’n talu mewn ehediad clós.
“Mae’r cwmni’n cyflwyno arddangosiadau deinamig ar draws Ewrop ac rwy’n siŵr y bydd ei arddangosiad dros Fae Abertawe’n brofiad bythgofiadwy.

Bydd cyn-beilot Red Arrows yr Awyrlu Brenhinol, Mike Ling (Lingy), wrth y llyw yn nhîm The Blades, sydd wedi’i leoli yn Swydd Northampton, am y tro cyntaf erioed. Mae Mike Ling, peilot hwyaf ei wasanaeth yn Red Arrows yr Awyrlu Brenhinol, wedi cyfranogi yn Sioe Awyr Cymru ers sawl blwyddyn gyda’r Red Arrows ond eleni fydd y flwyddyn gyntaf yn y Sioe Awyr iddo berfformio fel rhan o dîm arddangos The Blades yn lle hynny.

Dywedodd Mike Ling, “Rwy’n hynod gyffrous i ddychwelyd i Abertawe ar gyfer Sioe Awyr Cymru ym mis Gorffennaf. Ben Murphy (Arweinydd The Blades) a finnau oedd Pâr Cydamserol y Red Arrows yn y digwyddiad agoriadol yn 2009 a mwynheais ddychwelyd i gwrdd â’r torfeydd enfawr ym Mae Abertawe fel sylwebydd y Red Arrows yn 2015, 2016 a 2017. Roedd hefyd yn wych i arddangos fel Red 3 gyda’r Red Arrows yn 2018 ond nawr gallaf arddangos fel Blade 3 yn 2019, gan gyfnewid fy awyren Hawk am fy Extra 300 i berfformio rhai arddangosiadau erobatig trawiadol fel aelod o unig gwmni awyrennau erobatig y byd.

“Mae amffitheatr naturiol y bae a’r traeth llawn gwylwyr yn gwneud Abertawe’n un o’r lleoliadau arddangos gorau y gallem ofyn amdano.”

Mae The Blades bellach yn ei 14eg tymor arddangos ac mae’r tîm yn perfformio’i arddangosiadau, a gydnabyddir yn rhyngwladol, ar gyfer pedair miliwn o wylwyr bob blwyddyn.
Yn enwog am ei sgiliau hedfan erobatig mewn ehediad clós, bydd The Blades yn dathlu carreg filltir hedfan eleni – 1,000 o arddangosiadau wedi’u gwneud.

Mae’n ymddangos perfformiad a gallu’r Extra 300, sydd ag un llafn gwthio, fel awyren campau erobatig.

Gan berfformio symudiadau erobatig lai na 4 metr oddi wrth ei gilydd a hedfan heibio i’w gilydd am oddeutu 350mya, mae’r tîm yn perfformio arddangosiadau cydamserol cyflym ynghyd â symudiadau erobatig geirosgopig eithafol.

Meddai’r Cyng. Francis-Davies, “Yn y flwyddyn pan fydd Abertawe’n dathlu ei hanner canmlwyddiant fel dinas, rydym am sicrhau y bydd y sioe awyr yn barhau i wireddu’i henw fel un o’n digwyddiadau blaenllaw.

“Mae’r digwyddiad yn tyfu’n fwy poblogaidd bob blwyddyn. Ynghyd ag arddangosiadau yn yr awyr, mae’r digwyddiad yn cynnwys adloniant a gweithgareddau ar y ddaear.”

“Mae Sioe Awyr Cymru’n un o brif ddigwyddiadau am ddim y DU a’i phrif ddiben yw bod yn drawiadol. Cadwch lygad ar y dudalen Facebook a’r wefan wrth i ragor o arddangosiadau gael eu cadarnhau dros yr wythnosau i ddod.”

Caiff ap Sioe Awyr Cymru, sydd ar gael yn yr Appstore a chan Google Play, ei ddiweddaru gyda gwybodaeth am yr holl arddangosiadau wrth iddynt gael eu cadarnhau dros yr wythnosau i ddod.

Bydd noson unigryw, llawn cerddoriaeth, gweithgarwch a chyffro yn trawsnewid yr awyr uwchben Abertawe’r mis Gorffennaf hwn.

Am y tro cyntaf erioed, bydd balwnau aer poeth a thimau erobatig sy’n hedfan gyda’r hwyr yn perfformio uwchben Abertawe fel rhan o benwythnos Sioe Awyr Cymru.

Trefnir y digwyddiad arbennig, a gynhelir o 8.30pm ar 6 Gorffennaf ac a fydd hefyd yn cynnwys cerddoriaeth o 1969, i helpu i ddathlu pen-blwydd y ddinas yn 50 oed a disgwylir i’r sioe fod yn gyffrous iawn.

Meddai’r Cynghorydd Robert Francis-Davies, Aelod y Cabinet dros Fuddsoddi, Adfywio a Thwristiaeth, fod Sioe Awyr Cymru eisoes yn un o brif ddigwyddiadau am ddim y DU ond eleni roeddem am wneud rhywbeth ychwanegol i nodi pen-blwydd y ddinas yn 50 oed.

Meddai, “Prif ddiben Sioe Awyr Cymru yw bod yn drawiadol ac rydym yn gwybod bod y torfeydd enfawr y mae’n eu denu wir yn gwerthfawrogi’r arddangosiadau awyr a’r digwyddiadau ar y ddaear sef prif ran y digwyddiad.

“Rydym ymhlith cefnogwyr mwyaf ymroddedig y Red Arrows a dyna’r rheswm pam gwnaethant yn siŵr ein bod ni ar eu rhaglen ar gyfer yr haf dros ddeuddydd y digwyddiad.

“Ond mae’r digwyddiad ‘gyda’r hwyr’ yn addo ychwanegu rhywbeth arbennig iawn i ymwelwyr ei fwynhau gyda’r hwyr. Bydd unrhyw un sydd wedi gweld balwnau aer poeth gyda’r hwyr yn gwybod pa mor anhygoel yw eu gweld.

“Caiff y balwnau aer poeth eu gosod a’u clymu ar hyd traeth Abertawe a bydd tîm arddangos Fireflies hefyd yn perfformio – dwy awyren arddangos yw’r rhain sydd â thân gwyllt yn saethu oddi ar eu hadenydd – gan gyflwyno sioe stỳnt gyda’r hwyr.

“Trefnir hefyd i dîm arddangos parasiwt y Tigers berfformio naid gyda’r hwyr, dyma un o’n perfformwyr cyson yn Sioe Awyr Cymru.”

Ar y ddaear, bydd cerddoriaeth fyw a fydd yn peri i bobl hiraethu am y 60au hwyr, gan ddathlu rhai o’r caneuon a gyrhaeddodd frig y siartiau yn y flwyddyn pan ddynodwyd Abertawe’n ddinas am y tro cyntaf.

Meddai’r Cyng. Francis-Davies, “Mae Abertawe 50 yn ddathliad o orffennol, presennol a dyfodol ein dinas a chynhelir Sioe Awyr Cymru lai nag wythnos ar ôl dyddiad swyddogol yr hanner canmlwyddiant, sef 3 Gorffennaf.

“Mae Sioe Awyr Cymru wedi dod yn rhan o hanes a threftadaeth fodern ein dinas, gan ddenu tua 250,000 o ymwelwyr i’r traeth yn ystod deuddydd y digwyddiad. Roeddem am wneud rhywbeth arbennig ar gyfer yr hanner canmlwyddiant a dyna beth yw pwrpas y rhan ‘gyda’r hwyr’ o’r Sioe Awyr.”

Dyma un yn unig o lawer o ddigwyddiadau a gynlluniwyd drwy gydol y flwyddyn i nodi hanner canmlwyddiant Abertawe. Rydym yn gofyn hefyd i breswylwyr a busnesau gymryd rhan drwy feddwl am eu digwyddiadau a’u syniadau eu hunain i ddathlu’r garreg filltir unigryw. I gael gwybodaeth am sut gallwch fod yn rhan o Abertawe 50, ewch i www.swansea50.co.uk/?lang=cy